Anggitanipun Suryah A. Z.
Wus 66 warsa iki nagriNuswantara bumi wutah getih kinasih
Uwal saka regemaning bangsa kang kumaki
Jepang, Portugis, Inggris, lan Walandi
Penjajah kang pancen wengis duk ing nguni
Ngrampas bandha, ngedu bangsa kita sami
Ya….. Mung manungsa cubluk kang durung ngreti
Gelem didu kumawan bangsa pribadi
Adol lamis tembung manis dadya gamanireki
Wus 66 warsa…..
Kamardikaning nagri kita
Republik Indonesia
Saka lelabuhane para kusuma
Kang gugur ngrungkebi Negara
Kanthi pecahing dada, wutahing ludira
Ya gene…..
Wus 66 warsa kang lumaku
Maksih ana manungsa ing sakiwa tengenku
Kang seneng nulad lan niru
Wataking penjajah kayeku
Rumangsa bungah yen kanca pada kanca didu
Tangga lan tangga pada pada kisruh benceng panemu
Mangka kang mangkana iku yekti banget kleru
Elinga…..
Manunggaling bangsa minangka pawitan
Pawitan kanggo nindakake gegayuhan
Gegayuhan kamardikan
Kamardikan kang sanyata
0 comments:
Post a Comment